暧昧对话流出！黄子恒三次邀35E迪子开房

无綫艺人黄子恒被爆偷食国产粉丝，对方更自称怀有其骨肉！色字头上一把刀，今次桃色风波令他随时赔上事业，其实佢早就有前科，两年前曾介入歌手裕美婚姻，裕美更被拍得在男方寓所露台晾Bra，原来裕美之后，佢都睇中拥有35E胸器的歌手迪子，曾经喺半年内先后约过迪子三次，凼对方去佢屋企“提供服务”。

有关两人在朋友圈中暧昧对话截图流出，当迪子拒绝佢要求，佢仲好鬼冇品爆粗闹人，但隔咗几个月佢又搵新借口，话邀迪子去佢屋企玩big big channel live唱吓歌仔，但迪子见佢将个琴放喺床尾，迪子都唔系蠢当然冇应约，之后佢就冇再搵迪子。

迪子承认确实有件咁嘅事，直认嬲对方唔系男人，对人基本尊重都冇。迪子接受东网访问，她表示与对方认识十几年，对方一直好正经，直至她一个玩SM Feel的MV出街后，对方才有所行动，她说：“佢开始Send啲奇怪嘢畀我，仲约我去开房，我唔知佢讲笑定认真，梗系冇去，佢成日扮深情同正经，有时我都谂系咪误会咗佢，但睇到佢疑搞大粉丝个肚，我觉得做朋友要带眼识人。”

人魔大战　之后约战九龙塘

根据迪子和黄子恒的对话截图，见到男方前年万圣节想约迪子去开房，其实前年6月黄子恒才被爆偷食人妻裕美，想不到4个月后就有新目标。当时拍紧《降魔的》的黄子恒认真入晒戏，打算想约迪子出来玩“人魔大战”，并说：“依家出面啲细酒店都好平，但我惊我咁夜先入去佢要我身份证登记。”之后就提议去九龙塘，但迪子表示自己对SP（sex partner）关系没有兴趣而拒绝。对此，迪子坦言觉得黄子恒不尊重女人，亦谓对方有需要应该去“揿钟仔”：“呢啲钱都要悭。”