挑逗大帥哥！楊秀惠美腿變「御用色誘神器」
20181206
東網電視
更多新聞短片
WOW～～～
《大帥哥》播出區區三集，已經成為城中熱話，該劇劇情簡單、節奏明快，加上男主角「大帥哥」張衞健獨有的演繹方法，絕對有捧場客。昨晚，張衞健周旋於楊秀惠同譚凱琪兩位姨太之間，搞笑得來又甚有睇頭！
講到最特別的，有飾演「艾妞」的楊秀惠，她的一雙43吋長腿再度被消費！她為了討大帥哥歡心，不惜妖精上身，身穿性感睡衣，化身蜘蛛精、白骨精騷首弄姿，攬柱又扭腰，仲用埋腳撩弄大帥哥，出動索腿幫對方massage……鏡頭認真香艷！難怪張衞健都要回應一句：「Yo！打妖精之嘛，使乜驚呀！」
事實上，秀惠大晒靚腿，似乎獲得不少監製「睇好」，由《鬼同你OT》泳衣晒腿、到《來自喵喵星的你》以黑絲勾引陳豪、《心理追兇Mind Hunter》引死馬國明外，今次連夥拍神枱級男主角張衞健也用得着！唔知係咪怕觀眾太投入會被誤解，凌晨時分，秀惠喺網上以素顏開live，仲搞笑地說：「頭先嗰個蜘蛛精艾妞，大家有冇睇，嗰啲係演技嚟，楊秀惠真人唔係咁㗎⋯⋯」她更tag了「楊秀惠VS艾妞，請問這個自毀形象角色嗎？連楊秀惠都堅決否認佢識艾妞啊！」又笑言：「監製其實我只想扮演一個正常順眼的女生角色，但看來我沒那種命啊，輪也不會輪到我。」
----------------------------
東網巨星開咗ig喇，大家快啲follow啦！