直認半夜跟佬走 黃翠如咁樣呵番蕭正楠!

20181206
東網電視
更多新聞短片
一個願打,一個願捱,Fit晒!
藝人黃翠如出席朱古力活動,即場設計朱古力聖誕卡。她透露自己剛與馬來西亞演員吳天瑜去完澳洲9日回來:「一個亂咁嚟嘅旅遊,好冇目的,租咗架南一直向南面走,走咗去個自然保育嘅地方,第一晚冇搵到地方住,去咗個森林度,突然有個哥哥仔揸住架貨斗車叫我哋上佢架車,都有啲奇怪,我哋問佢邊度有WiFi,於是佢就車咗我哋去屋企,原來佢一家人買咗個山頂,喺嗰度起咗三間屋木屋租畀人哋住。(你哋兩個女仔唔驚?)每次都亂嚟,但過程都美好,嗰度好靚,同埋路在口邊,所以唔驚。」
問到男友蕭正楠可有擔心她?她表示:「佢依家已經好似我爹哋、媽咪咁,一開始會擔心,但後來見我每次都大難不死就由我,佢剩係話:『我就不停開工,你就去玩。』」問到飛甩男友怎樣補償?她笑言早兩日首次煲了湯給他,但自爆是在超市買現成湯包:「佢好感動,但話唔好飲。(你咁冇誠意?)有信心過我自己準備,但材料唔夠,下次要買兩個湯包。」翠如又笑言原本打算月中開劇前飛多轉馬來西亞找吳天瑜,但男友不容許:「佢都話如果只可以兩個揀一個,佢都驚我會揀我個朋友,冇辦法,我哋經歷太多,分離唔到。」