爬入垃圾堆出事！郭羨妮膝頭受傷頂硬上

藝人郭羨妮（Sonija）、胡杏兒日前為電影《朝花夕拾芳華絕代》宣傳，Sonija在戲中飾演已故天后梅艷芳（阿梅）的忠實粉絲，杏兒則飾演阿梅識於微時的好友。Sonija講到其中一個拍攝場口是要她爬入垃圾密斗中，因此而撞瘀膝頭：「撞埋去嘭一聲好大聲，現場啲人都聽到，不過我都忍痛拍埋場戲，返到屋企個膝頭腫到雞蛋咁大，阿女見到就幫我捽藥膏，當堂冧晒甜晒。」同為人母的杏兒聽見即表示好羡慕：「我都希望我個仔識咁Sweet。」

學習阿梅關愛粉絲

拍畢這套電影後，兩人均稱對阿梅的事了解更多，尤其阿梅與歌迷之間發生的真人真事，平時觀眾根本不會知道，如當年阿梅在日本拍完廣告回港，身體已很不適，前來接機的一位歌迷因私事而不開心，但阿梅竟一眼就看出對方不開心，身體虛弱的阿梅還關心對方、怕她有事。

問阿梅對粉絲的愛錫及關懷，可有影響到兩人？Sonija謂：「以前細個好鍾意好多Fans嚟活動撐場，依家反而會叫佢哋唔使嚟，因大家都大個、都有工作，在心中就得。」而杏兒亦有同感，因好多粉絲都已長大、結婚及有小朋友，偶爾會相約粉絲出來飯聚。

場地贊助：La Taverna Ristorante Italiano