奇迹！癱瘓嫲嫲見孫女林孜沫攞獎識講嘢
20181207
東網電視
更多新聞短片
癱瘓兼冇意識，竟然識講嘢真係奇迹！
《2018 亞洲小姐競選總決賽》香港賽區季軍林孜沫（Momo）近日在韓國拍攝外景。期間Momo積極備戰，未有半點鬆懈，一直努力做gym及控制飲食，又努力練習行catwalk技巧及廣東話，希望能在總決賽再進一步。
雖然忙於備戰總決賽但Momo仍心繫家鄉病重的嫲嫲，早前抽空特意回家探望，她說：「嫲嫲完全癱瘓沒有意識，之前選緊香港賽區時候，屋企人冇話我知，但之後當我得知消息時，我決心要返家鄉探望嫲嫲，當時佢已經講唔到嘢，我喺床邊餵佢食最愛嘅生果，唱佢小時候教我唱嘅歌，我仲特意攞亞視月刊畀佢，話畀佢知我選美嘅情況，而嫲嫲好努力擺嘴型回答我，睇見嫲嫲嘅情況，我忍唔住爆喊，但特別驚喜，係爸爸再三問嫲嫲『見到孫女上電視開唔開心？』佢竟然奇迹般開口話『開心』二字。」
來自東北的Momo透露自奪得《2018 亞洲小姐競選》香港賽區季軍後迅速成為家鄉的「名人」，她說：「鄉下嗰邊的高中、北京的本科大學均給予我好多關注，更成為老師們眼中的『優秀畢業生』，師弟師妹眼中的『小榜樣』。原來我的真可以激勵大家去追求夢想，所以我已經好滿足。」
----------------------------
東網巨星開咗ig喇，大家快啲follow啦！