Kevin被爆恐同留言　宣布唔做奧斯卡主持

荷里活著名諧星Kevin Hart日前宣布將擔任今屆奧斯卡金像獎主持，而不久就有一名記者於社交網留言說：「我諗緊Kevin Hart幾時開始刪走所有舊留言。」並上載多段Kevin發表恐同言論留言截圖。其中一段他說：「如果我個仔返屋企嘗試玩我女嘅洋娃娃屋嘅話，我就會打爆佢個頭，並同佢講：『停止呀，咁樣好基。』」另外，Kevin亦在另一則留言中取笑男演員Damien Dante Wayans個社交網頭像照似足有關同志的預防愛滋病廣告牌。

記者亦指Kevin於2010年楝篤笑表演中表示最大恐懼就是兒子長大後變基。他說：「呢個係恐懼。記住，我唔係恐同。開心啲，做想做嘅事。但對於異性戀者嘅我，如果我可以防範我兒子變基，我會做嘢。」據記者指多段恐同留言已於昨日刪走，但有部分仍未刪。暫時奧斯卡大會未有回應，未知會否因今次事件而取消Kevin任奧斯卡主持資格。

Kevin拍片兼留言為自己辯護，但就沒有就自己的言論而道歉。他否認自己恐同：「你活着，你學習，你成長，你成熟。我活着去愛...請把你的負面能量帶入建設性的東西。我喜歡每個人......。如果你選擇不相信我，那就隨得你...祝你今天過得愉快。」而Kevin剛剛再度留言宣布辭任奧斯卡主持，他說：「我已決定辭任今屆奧斯卡主持一職，是因為不想一個為多位傑出藝術家慶祝的晚上被分散注意。」之後他亦再留言指自己傷害別人而道歉。