Gin Lee爭最喜愛女歌手：好多人投我票
20181207
東網電視
更多新聞短片
Gin Lee坦言第一次見到監製Adrian時已經心心眼。
歌手Gin Lee（李幸倪）與監製Adrian Chan到電台宣傳新歌《風靡》，她自言首次正式跟Adrian及Supper Moment（SM）合作，曲詞由SM寫：「首歌講做個撇脫嘅女人，要自強同有信心，同我都似嘅，我做音樂嘅時候最撇脫，覺得有需要或者正嘅嘢，就會不顧一切去嘗試。」她表示開紅館騷後已很想有新突破，因此找Adrian幫手：「我同SM都熟，未必會出嚟食飯，但音樂上互相欣賞。」
Adrian指數月前為Gin及SM在另一電台活動製作了合唱歌，結緣後Gin向SM邀歌，SM一星期交貨，整首歌用了一個月完成。Gin好欣賞Adrian：「佢幫王菲編好多歌，我細細個就開始聽，見到佢即刻心心眼！（再合作？）會呀，叫咗佢有歌啱就搵我。（同SM合唱？）隨緣啦。」
聖誕將至，Gin透露家人將來港跟她慶祝，又會出席頒獎禮為她打氣：「我唔緊張，佢哋緊張啲。我好開心第一次入圍叱咤我最喜愛女歌手五強，幾驚喜，好多人都話投咗我票，好溫暖。（有冇信心？）唔諗咁多啦，已經覺得好開心。」
----------------------------
東網巨星開咗ig喇，大家快啲follow啦！