【似活在岩石裏】G.E.M.拍拖受過壓力

2018年12月07日 15:38
東網電視
更多新聞短片
G.E.M.經歷過備受壓力嘅感情,指邊段感情先?

歌手鄧紫棋(G.E.M.)早前遠赴台灣為新專輯的主打歌《岩石裡的花》拍攝MV,歌曲由她一手包辦曲詞,故事以絕處逢生的花朵比喻一段不被外界看好的感情,她說:「喺裂縫生長嘅花喺沙礫中都有辦法生長,就好似真愛一樣,即使經過重重挑戰同試練,總有辦法可以生存落去。」她坦言也經歷過備受壓力的感情,彷彿是活在岩石裏的「她」:「尤其係公眾人物,我嘅生活好多時會畀大家談論,要承受好多輿論壓力。不過咁多年嚟我學到一樣嘢,就係往往最重要嘅係身邊嘅人,而唔係一大堆對你評頭品足嘅陌生人,依家嘅我已經克服咗呢個壓力。」

G.E.M.拍攝MV時絕不錫身,因為當日突然落大雨,她不惜臨陣決定淋雨濕身,同場加映她需要穿上高踭鞋來回狂奔,令她回想起自己在小學時是60米賽跑季軍:「其中一幕仲要喺沙灘上行,但其實啲沙濕咗,每一步踏落去成個人都會下陷,但我覺得個效果好,所以冇怨言喇。」

MV中,G.E.M.與台灣有「小朱孝天」之稱旳宋柏緯不乏拖手、摸面的浪漫情節,宋柏緯在開拍前,坦言是第一次與女歌手有近距離接觸,感到非常害羞及緊張。G.E.M.說:「唔覺得男主角緊張,反而我好緊張,我每次演愛情浪漫情節都會有少少尷尬。我表面上會好努力掩飾我內心嘅尷尬,我覺得男主角今次演得好自然,幫到我入戲,令到我冇咁緊張。」