吹足8粒鐘！龔嘉欣黐實「少婦聯盟」慶生

藝人龔嘉欣喺今個月5號度過29歲生日，「少婦聯盟」成員譚凱琪、陳凱琳、沈卓盈幫佢搞咗個生日飯局。平時大家都咁忙，難得有時間一聚當然有講唔完嘅話題啦！結果生日飯局就一傾就傾足八粒鐘，搞到個個都嗌眼瞓。譚凱琪喺社交網上載生日飯局嘅相，並發文話：「Happy belated birthday to our辣椒仔，祝你繼續人見人愛，車見車去載。唔好再受傷喇。史上最長氣的飯局，密會8小時，我仲好眼訓（瞓）呀。」佢都不忘大讚懷孕中嘅陳凱琳好賢淑添！