紅館騷考慮出秘密武器 鄭伊健:我冇底線

2018年12月07日 18:18
東網電視
更多新聞短片
鄭伊健話考慮騷秘密武器,到底係咩呢?

藝人鄭伊健為明年2月24至27日及3月1日的《Along with Ekin Live Concert 2019》紅館演唱會舉行記者會,受訪時講到排練情況,他表示現時正努力操練,因為現時開騷跟以前不同,體力要求比較吃力,問到可會騷肌?他表示:「睇吓啲服裝點先,都要睇狀態,我就冇底線,佢做乜我就着乜。」問到甚少穿短褲的他可會穿短褲?他笑言:「我驚好睇得滯。(對腳係秘密武器唔畀得人睇?)唔係,係以前拍劇尺度低啲,周潤發唔着衫都得,但到咗我個年代,有一次我着短褲入廠,有啲人話我好性感,又話我好多腳毛,搞到我都唔好意思,尺度唔同咗,愈來愈保守,不過我台上真係未試過,可以諗吓嘅。」

唔會叫太太上台

問到粉絲上台是否很感動?他表示:「感動,本來以為乜都唔使做,點知準備咁多驚喜。」講到太太蒙嘉慧都拍片,他笑言:「都唔知佢拍片,但佢好似緊張過我,同平時講嘢唔同,平時牙尖嘴利,不過都好開心。(飲好多愛心湯水?)都要,之前唔鍾意飲,但原來好有用,係會事半功倍,佢都有搵人學。」問到怎樣獎勵太太?會否請她睇足五場演唱會?他笑言:「唔好啦啩,佢每次都會嚟後台嘅,但驚佢悶,日日都對住我,雖然我台上台下都有分別。(會唔會叫佢上台?)唔會,呢個演唱會成果唔係我一個人,係團隊嘅。」

----------------------------
東網巨星開咗ig喇,大家快啲follow啦!
https://bit.ly/2JjSVcr