【齊人之福】吳業坤見到兩位愛人笑晒口…

2018年12月07日 19:23
東網電視
更多新聞短片
坤坤同兩位「摯愛」同場,笑到舉晒V!

歌手吳業坤(坤坤)為無綫節目《歡樂滿東華2018》綵排,一見到兩位「摯愛」薛家燕、田蕊妮即笑到見牙唔見眼,更左右逢源、享「齊人之福」影合照。他笑言自己是以東華幼稚園舊生身份出席,屆時會分享讀書時期的喜悅。

掛住女同學

問到現時可有與幼稚園同學聯絡?坤坤表示最記得一位女同學,但之後失去聯絡,希望藉着節目「尋親」:「問番媽媽搵番張合照出嚟幫手搵吓,佢好似去咗英國讀書,不過都唔記咗佢個名。」

有傳他4月會開紅館騷,坤坤表示希望「夢想成真」:「公司都有入紙申請,最近見艾粒都申請到,要搵個方法集吓氣。(艾粒有甄子丹,你諗住搵邊個?)田蕊妮!但佢可能唔理我,上次佢拍戲冇睇到我個騷,今次如果開到就搵佢做嘉賓,到時就可以為所欲為。」他笑言會有圍緋聞女友席,將加入「新血」馬海倫及薛家燕,十足十邀請成班「皆大歡喜」的成員。