畀驚喜自己!岑麗香叫醫生遮住BB重要部位

2018年12月07日 19:26
東網電視
更多新聞短片
再次恭喜香香呀!

女神岑麗香(香香)昨晚於社交網上載同老公強強的合照,二人齊齊拿住BB衫,宣布就快做爸爸媽媽。香香今日盛裝出席「浪琴表香港國際賽事」晚宴,期間分享快將為媽媽的喜悅。

香香腳踏四吋高踭鞋上陣,心情相當興奮,她透露BB已5個月,早排因要飛來飛去,故要向親戚交代完才可跟傳媒公布。香香指強強知道就快當爸後,心情相當興奮,但自己感覺更強。她又指早前因懷孕都有點不舒服,更因很遲才知自己懷孕,故飛來飛去亦懵然不知。

講到不時做運動及健身,她謂:「依家做簡單瑜伽,同埋做臉面按摩,驚自己臉腫,BB預產期是明年四月,到時會係小豬BB,(仔定女?)我想有個Surprise,睇我自己忍得幾耐,檢查時都叫醫生遮住,(同李亞男BB做朋友?)係呀!好開心。」她即表示未決定於何地生BB。她又指都有返加拿大,如果聖誕節可以我都會飛,她又說:「依家都有睇BB衫,睇啲白色、黃色嗰啲,我想做嘢做到生之前,生完都會工作,想工作同家庭取得平衡。」問會否催苟芸慧生B?她謂:「唔會!呢啲唔催得的。」