同無綫世紀破冰 曾志偉明晚《東華》做司儀

2018年12月07日 19:45
東網電視
更多新聞短片
曾志偉綵排完《東華》後,到陳百祥家與王晶等老友食大閘蟹慶祝。

流着無綫血的「獎門人」曾志偉,之前被傳與高層余詠珊鬧不和,但無綫亦放低成見,邀其亮相去年台慶。可惜志偉心中的刺未能拔走,多番毫不留情狂踩港姐騷,更公然倒戈上ViuTV講波,終於辣㷫無綫下令封殺,當時無綫親生仔陳百祥亦忍唔住開腔寸志偉:「佢睇唔起TVB!」

不過,地球係圓的,今年《歡樂滿東華》終於成為了彼此「破冰」的橋樑,志偉於三星期前,在無綫主動邀請下,答應出席明晚舉行的《東華》並擔任司儀,陳百祥回覆東網說:「係呀!我哋啱啱同佢綵排完,嚟咗我度食大閘蟹宴,好多嘢食,又有日本嘢!(志偉同無綫破冰?)咁咪好囉!我就係同佢食緊隻冰船!兩兄弟有機會一齊做嘢係開心事,一個《港姐》、一個《東華》都係志偉嘅情意結,今次佢咁啱冇嘢做可以度期做司儀。(要幫佢向無綫講幾句好話?)嘩!我都係跟住佢搵食啫,點敢呀!不過我又覺得唔使嘅,所謂有能者居知,你係有料嘅,點都有得你做!」

而《東華》監製何小慧亦回覆東網說:「之前台慶都有搵佢,只係佢有電影拍冇晒期,今次佢咁啱有時間,好有善心,所以答應做!」