計劃緊結婚!袁偉豪封張寶兒做幸運女神

2018年12月07日 20:32
東網電視
更多新聞短片
袁偉豪已經認定女友張寶兒為結婚對象!

藝人袁偉豪出席「浪琴表香港國際賽事」晚宴,問他可有恭喜同場、剛公布懷孕的岑麗香時,他坦言不知道對方「有喜」,又指曾與她合作拍劇,年頭都有與她到外地宣傳,袁偉豪即八卦問記者:「咁佢佗仔定女呀?年尾真係多喜事,好恭喜佢,希望孩子健健康康成長!(有冇感染到你?)我依家要做善事先,近排身邊朋友都好多轉變好大,都有被感染,要諗自己嘅將來。」問他何時實行時,他笑言:「計劃緊,等我搏殺吓先!(係咪張寶兒?)係!」

同事笑係吉祥物

他又透露昨晚為《歡樂滿東華》錄影飛車多次都不成功,剛好寶兒出現就即成功,問是否想威畀佢睇?他笑言:「唔係!不過都畀同事笑,話寶兒係我嘅吉祥物。(定係幸運女神?)可以咁講,我都叫佢唔好成日企喺入鏡位度,不過我都想佢陪我、支持我。」他又指飛車戲因拍檔薛世恒受傷而要一個人完成,現時錄影完成,又加碼籌到60萬好開心,又指訓練老師指上世紀除了王傑之外,都沒有人玩過這些飛車,覺得自己好似肩負重任般。

希望黃子恆振作

說到黃子恆桃色事件,袁偉豪指不方便評論,但希望對方振作:「形象唔多唔少會有影響,結果都係佢自己選擇,唔會話佢啱定錯,希望佢努力工作,變得更加好,做得咁辛苦,機會都唔係成日有,希望佢珍惜同振作。」

----------------------------
東網巨星開咗ig喇,大家快啲follow啦!
https://bit.ly/2JjSVcr