【落閘】薛家燕禁吳業坤拖阿女上台
20181207
東網電視
更多新聞短片
薛家燕好想請吳業坤再戰澳門個唱，但一聽到話要拖大女珊珊（圓圖）上台時，立即「落閘」。
剛開完紅館處女騷的「Captain Nancy」薛家燕，立即加入無綫慈善節目《歡樂滿東華2018》綵排，以行動力撐應屆東華三院主席王賢誌，再現Captain Nancy風采：「《東華》係每年一度嘅大慈善騷，所以一定要支持，阿女都有叫我休息，但我都諗住出一分力，因為係值得參與。」
問表演完終於可以休息？薛家燕笑笑口搖頭，原來她主持的《流行經典50年》節目將會「添食」，故月中就要開始錄影：「有好多人都會擔心問我做完紅館係咪好攰，要休息，但其實我嗰晚好興奮，返到去5點幾都瞓唔到，朝早先瞓到個長覺，下晏想出去阿女就叫我休息先冇出去，諗番起個騷，最緊張係換衫同埋冇時間可以去廁所。」
新歌講姊弟戀
問澳門站可會邀請吳業坤做嘉賓？薛家燕即話好，然後大叫問坤坤：「你有咩歌係好特別㗎？」說畢笑翻全場！有人提議坤坤拖薛家燕大女珊珊上台，薛家燕幽默回答話：「呢啲尷尬位，唔係，佢鍾意講笑啫！天下大把好女仔，最緊係要有心。」似乎薛家燕想落閘，不過她最後都為幫坤坤打歌，當得悉坤坤首新歌《大女人主義》是講述姊弟戀時，她即目瞪口呆：「哦！咁要返去聽吓先得！」十分爆笑！
----------------------------
東網巨星開咗ig喇，大家快啲follow啦！