游學修做降呢男友 袁澧林樂與前輩鬥戲
20181207
東網電視
更多新聞短片
游學修與袁澧林一同聲演動畫。
藝人游學修、袁澧林（Angela）、譚杏藍及Miss Hunny等出席有份配音的動畫出席首映。阿修自言最近忙於為劇集剪片，下周會與排練舞台劇。問多說話的角色是否像自己？他笑說：「我做咩啲人都話我做自己，包括壞人、毒男，我已經當『做自己』係一個讚美。（有冇時間同女友曾樂彤拍拖？）時間同乳溝一樣，點都有。」至於早前女友受訪時稱他為「朋友」，疑似被降呢的他笑說：「幾過癮！我又降佢呢得唔得？普通朋友！（分手？）唔知呀！」
另外，自薦參與配音的阿修指故事對大人細路都好有意義：「我作為編劇學生，覺得呢套戲好犀利，咁啱有個角色又叫阿修，就算續集變咗大配角我都好想配。（唔夠喉？）係呀，我話下次要搵我做男主角。」
而Angela則大讚配音超好玩，動畫製作又細緻：「我以前有配過音，以為今次OK，點知佢哋可以聽到我完全聽唔到嘅瑕疵。」提到最近與楊采妮、任達華及郭晉安等前輩拍戲，該片以導盲犬為主題，Angela直言感到壓力：「現場見到佢哋經驗充足，我哋新人唔夠經驗就爭啲咁，好彩佢哋好主動提點我。」
----------------------------
東網巨星開咗ig喇，大家快啲follow啦！