新作被指抄歌！陳奕迅自抽：終於有我份

歌手陳奕迅（Eason）為紀錄片《L.O.V.E. in F.R.A.M.E.S.》 舉行放映及分享會，講到於本月12日推出的新碟《L.O.V.E.》內主打歌《可一可再》，近日被指其旋律跟韓國歌手尹鐘信的《一月到六月》相似，Eason表示都略有所聞，並指自己都特意去聽其歌：「尤其是第3句嘅旋律係幾乎一樣，但之前係冇聽過呢首歌，喺呢次批評之後先知呢首歌嘅存在，反而我寫完首歌，以為似另一首英文歌，咁音符都係得12個，我哋唔係抄佢，我自己知咪得囉，但你硬係話我抄都冇辦法。」續大方讚《一》亦是一首好歌，起碼自己少聽到有呢種Style的韓國歌，他又自嘲終於輪到自己被指抄歌，抵死笑話：「我係咪應該覺得榮幸？終於我有份，多謝！」

提起除了他有份角逐今年叱咤頒獎典禮的「我最喜愛的男歌手」之外，最後五強亦包括古天樂和張敬軒，更有網民特意將Eason與古仔以前合作的電影片段來惡搞，問是否覺得古仔是勁敵？他笑謂：「唔知喎！好難講，時代又唔同咗都冇跟進，只係覺得整個條片嘅人好心機！（自己有信心攞獎？）冇話有冇信心，其實好多年都畀人最喜愛咗，今年唔係畀最喜愛都正常嘅，有就都係多謝佢哋咁喜愛我！」又搞笑指古仔頭上都應該有好多問號。