徐濠縈冇興趣！陳奕迅出紀錄片自睇4次

歌手陳奕迅（Eason）今晚於太古城舉行紀錄片《L.O.V.E. in F.R.A.M.E.S.》放映及分享會，好友張敬軒現身撐場。此紀錄片記載着Eason與他的DUO團隊自2010年起進行《DUO》世界巡迴演出期間的幕後花絮，還有灌錄《L.O.V.E.》大碟的製作過程。

問到老婆徐濠縈及阿女可有睇過條片？Eason即場踢爆：「老婆冇興趣睇，阿女忙緊考試！（咁冇興趣？）唔係，有時做音樂唔一定會即刻令人明白，無論樂迷鍾唔鍾意，每一個評論同批評，我哋都會聽，當然有時覺得唔好嘅係、有啲字眼太具攻擊性。」

依然掛住盧凱彤

Eason自爆條片由剪輯到依家，前後睇足4次，其後續言因為想令大家明白每首歌背後的創作理念，故才製作紀錄片。講到已故歌手盧凱彤（Ellen）亦是DUO成員之一，問再睇番紀錄片時最為感動的部分，是否有她的片段？Eason直言：「都係，我依然好掛住佢，影像同聲音好正嘅就係，幫你記錄任何人生命中嘅Moment、令時間停留，有幸可以Capture到，當我哋變老之後都可以睇番。」