丁母憂！薛芷倫赴加國見媽咪最後一面

名媛薛芷倫（Fanny）穿上銀色低胸晚裝裙，性感出席香港癌症基金會晚宴，本月十號生日Fanny問到如何慶祝，佢謂今年唔會慶祝，因為3個月前媽咪係加拿大因癌症過咗身，Fanny提起十分傷感：「我有飛過去陪佢，不過去到佢已經係彌留，但係陪佢過咗人生最後一程，喺醫院陪咗佢十日，佢喺我懷中過世，我捉住佢隻手，我諗起我出世都係佢懷裏，生日係要多謝媽咪，好珍惜同懷念佢，依家心情都未能平伏。」

佢又指媽媽享年83歲，都算係笑喪，過身嘅時候都好安祥：「佢係癌症離開，癌症奪咗好多人生命，雖然依家醫學昌明，我都希望可以長壽，見住我仔女結婚生仔，但另一方法對生命都好豁達，最重要同屋企人開開心心度過。」同場還有前港姐何艷娟，穿上米色晚裝長裙，貴氣逼人，佢企定定影完相後，即表示趕時間入場不受訪。而名模And R.、Rosemary與老公、Cara G.與老公、利嘉兒、金鈴等盛裝出席。