挑戰戶外騷 何韻詩恨營造社區感覺

2018年12月08日 01:37
東網電視
更多新聞短片
何韻詩將於12月21至26日舉行戶外演唱會及生活節。

歌手何韻詩將於12月21至26日舉行戶外演唱會及生活節,她透露一、兩年前已開始構思:「自己做咗好多唔同形式嘅騷,但從來冇做過戶外,好想挑戰吓。而生活節就係適逢聖誕期間,我希望有個空間畀大家聚吓。喺香港大家都面對冇空間嘅問題,志同道合嘅人未必有機會聚埋,就算約見面都唔會去對方屋企,因為空間太狹小。」

阿詩指上年到英國巡演,遇上類似聖誕市集的活動:「我覺得好開心,有特別嘅食物,天氣又凍,成個氣氛比行商場買嘢更加豐富,所以想喺聖誕搞騷同生活節。」她透露這次的市集主要由本地小店組成,包括之前贊助其紅館騷的部分小商戶:「有成個社區嘅感覺,到時仲有文化嘢、Workshop、Reading Corner同食肆,總共有7、80檔。而我自己就有個二手衫檔,收益會捐去我嘅慈善基金。」