男友唔畀性感　蘇慧恩心痛婆婆坐輪椅爆喊

歌手蘇慧恩（Ophelia）在九展Music Zone舉行慈善音樂會，唱到《情誡》時，身穿黑色馬甲騷長腿的她夲跳性感舞步，做出自摸胸、趷籮等動作，而小肥則擔任嘉賓唱《時光機》。唱到《生命有價》時，她落台與大家握手。之後唱出一連串溫情歌送給家人，如《You raise me up》、《愛得太遲》等，螢幕就播出童年時與家人的照片，她表示：「人愈大愈少見屋企人，好耐冇同爹哋媽哋食飯，我每次有大事都係佢哋撐住。」

騷後接受訪問，Ophelia表示今次是第二次舉行音樂會，是為長者的慈善機構籌款。講到有一part跳性感舞，她表示練了三個月，但覺得好像不夠性感，她表示：「因為想冇咁性感，因為今次係慈善音樂會。（男友知唔知？）其實我本身係着馬甲，但佢叫我着返件top。（你有冇跳過畀佢睇？）佢都係今日先睇。（佢平時緊張你着衫？）唔畀着得性感出街，最性感都係着短褲背心，係健康嗰隻。」

期間Ophelia突然感觸落淚表示今晚婆婆有來捧場：「佢第一次嚟睇我演唱會係健全行嚟睇，但今次係坐住輪椅嚟睇，我好驚今次係佢最後一次嚟睇我演唱會，我好驚佢有事。（佢咩事？）有睡眠窒息同小毛病，今次演唱會有好多元素想畀婆婆，平時真係太忙，好少時間可以陪佢，佢已經80幾歲，好驚有一日見唔到佢。（嚟緊聖誕會唔會陪多啲佢？）但聖誕都要做嘢，藝人大時大節都要做嘢，好少陪到屋企人。」

----------------------------

東網巨星開咗ig喇，大家快啲follow啦！

https://bit.ly/2JjSVcr