大肚Cara G.晒水着 同老公搵拍拖感覺

2018年12月08日 08:47
東網電視
更多新聞短片
大肚嘅Cara G.都仲好索。

混血女模Cara G.同外籍老公Jesper向來恩愛甜蜜,早前佢仲宣布懷有第三胎,真係開心至極!近日Cara G.丟低兩個囡囡,同老公飛到蘇梅島旅遊。難得去到咁靚嘅地方當然唔少得影相留念。

Cara G.先甫出一張水着相,見佢腹部隆起,展露個燦爛笑容,之後再甫出一張同老公欣賞日落相,並以英文留言:「即使做咗父母,都好需要花時間同你嘅另一半相處,不論係一個短短約會或者係喺海灘散步,但最幸運嘅當然就係有人幫你湊小朋友一個晚上,過吓二人世界。平時我哋工作忙碌,又要照顧小朋友,此行可以度過我哋13周年紀念日,加上平時喺屋企我哋喺要同埋小朋友一齊瞓,今次令我感受番拍拖感覺。」