格林美獎提名公布 5提名Cardi B興奮伸脷

20181208
東網電視
更多新聞短片
Cardi上庭時從記者口中得知獲格林美提名。
國際樂壇盛事、第61屆格林美獎將於來年2月10日在美國洛杉磯舉行,而提名名單昨晚公布。結果美國饒舌音樂天王Kendrick Lamar橫掃8項最多提名暫時領先。而加拿大天王Drake就獲7項提名。日前剛提名金球獎的Lady GaGa亦獲5獎提名,其中4獎均來自《星夢情深》(A Star Is Born)電影原聲大碟,角逐年度歌曲、錄音及歌曲(《Shallow》)等獎。
至於近期紅到發紫的新紮天后Cardi B就獲5項提名,包括年度大碟、最佳饒舌大碟及最佳饒舌演出獎等。而身在紐約皇后區法庭的Cardi是從記者口中得悉獲格林美獎提名,得知後Cardi即反問記者:「係咩?!我有幾多項提名?」之後即開心到呻晒脷舉V。事後,她亦有在社交網轉載電視台片段,並留言說:「這是我得知提名格林美獎後唔知點反應,我需要從新畀反應。」之後她再留言:「我話畀你聽,我人生係齣電影。我好辛苦才可獲此(提名)!贏與否,至少我知我有機會,亦證明外人係睇到我付出同崇拜我嘅作品。我好開心!多謝!」
而Cardi今次出庭是與8月脫衣舞店襲擊事件有關。當時她涉嫌襲擊兩名酒保姊妹。