劉美君收人生唯一嘅徒弟 原來係佢!

2018年12月08日 10:17
東網電視
更多新聞短片
咁勁!!!

曾榮獲第45屆金馬獎影后嘅劉美君雖唱家班出身,不過佢唱而優則演,最近仲做埋監製開兼做女主角,而劇中就有童星江芷銦做佢孫女,加埋沈震軒做劉美君劇中男友,聽落都好有睇頭。

不過估唔到最有睇頭嘅係劉美君今朝一早就宣布收佢人生唯一一個徒弟!佢喺社交網拍片話收咗新劇童星江芷銦做佢演戲嘅徒弟,仲話自己本身不嬲都唔教人做戲,就算咩人向佢請教都唔肯,不過今次佢真係好愛呢個小演員,又好錫佢,所以先破例,佢仲留言話會將自己人生喺娛樂圈學到嘅所有都教晒江芷銦添!

劉美君留言:「收徒弟 . 演戲,唱歌,做人嘅道理,我會將我一生所學到的都同呢個寶寶分享!」睇嚟江芷銦將會成為萬眾期待嘅新演員,記得要好好學習回報恩師喇!