重返無綫做司儀 曾志偉話係因為呢個人…

2018年12月08日 14:07
東網電視
更多新聞短片
曾志偉話係因為一個人嘅邀請而返無綫做司儀!

藝人曾志偉在電視城出席《歡樂滿東華》拜神儀式,講到他與無綫破冰,他表示:「冇冰,因為《東華》係我最想做嘅節目,由細睇到大,加埋王賢誌係主席,好早之前已經畀電話我,所以要支持兄弟。(佢幾耐之前搵你?)兩、三個月前,但一直調緊啲時間,我聽日都要即刻飛去第二度做嘢,去台灣開戲。(但記招唔見你?)嗰陣返唔到。(一口答應王賢誌?)只要時間得都會,『東華』、『港姐』我都好有感情。」

問到現時與無綫關係如何?曾志偉說:「不嬲都冇咩特別。(但之前話你成日幫ViuTV搞到被封殺?)哈哈,所以我一路冇講呢啲嘢,因為講係冇用,行動表達係最好。」問之後可會再與無綫合作?他謂:「再睇啦。(台慶會唔會?)今年台慶因為我接咗個Job,佢哋都有搵我,但半年前已接咗工作,所以做唔到。(即係無綫有節目再搵你都得?)可以嘅,如果有時間同節目係想做,因為我唔再係無綫合約,想做番啲想做嘅嘢。」