李安都比唔上 尼古拉斯基治最愛吳宇森

2018年12月08日 14:30
東網電視
更多新聞短片
尼古拉斯基治最愛同吳宇森合作。

第三屆澳門國際影展暨頒獎典禮由今日起一連七日假澳門文化中心舉行,荷里活巨星尼古拉斯基治(Nicolas Cage)身穿西裝現身記者會,大擺甫士拍照,表現親民,他大談當年與香港名導吳宇森合作《奪面雙雄》的點滴。

提到最喜愛的華人導演,尼古拉斯基治首選吳宇森:「同佢合作好開心,佢拍每個鏡頭都會用好多部攝影機拍攝唔同角度,同埋有十幾個螢光幕睇playback,每個螢光幕佢都會自己睇,佢好着重細節,經常提醒我坐直啲,當然我都好鍾意台灣導演李安,但要揀都係揀吳宇森。」

另外,談到新戲《狂屠絕路》(Mandy),他笑言角色已深入骨髓,拍攝期間一度不想跟人說話,想自我封閉:「其實最初導演係搵我做另一個角色,而唔係主角,但我堅持要做,我將懷念爸爸嘅情緒放喺角色之中。」

問到對澳門的印象,他表示數年前曾帶小朋友遊澳門,笑言這裏是退休後的一個不錯選擇:「澳門嘅建築好有特色,係中國同葡萄牙嘅橋樑,記得當時導遊同我講,呢度嘅小朋友會手拖手返學,聽完覺得好感動。今次係我第一次參加澳門國際影展,我今次返嚟澳門係想多謝大家,好感恩我嘅電影可以得到大家嘅喜愛,繼續建立合作關係,如果有機會都想同澳門嘅電影人合作,無論係小型或者獨立電影,唔需要太多時間,亦唔係講錢,人生好短,唔好諗咁多。」