志偉同無綫破冰 陳百祥：冇話開唔開心
20181208
東網電視
更多新聞短片
陳百祥話曾志偉（中）有歸屬感，做《東華》、《台慶》好似返屋企咁。
藝人陳百祥（阿叻）在電視城出席《歡樂滿東華》拜神儀式，講到曾志偉與無綫破冰，有份擔任《東華》司儀，他表示：「我哋拍檔好耐，好多嘢都一齊，離離合合又好，夾唔夾又好，始終都係以嗰件事為先，能者居之，其實志偉去邊都有得做，但佢有歸屬感，做《東華》、《台慶》好似返嚟屋企咁，有時可能啲idea唔同，個節目唔夾咪做第二個節目，冇乜所謂。」他又指志偉一直都想做慈善節目，很有熱情。
綵排完一齊食大閘蟹
阿叻又表示到他們這個年紀，可能有人覺得他們阻住地球轉：「但其實我同志偉呢類型嘅司儀唔係太多，可能我哋讀社會大學，又係做遊戲節目出身，所以考反應同轉數，做大型節目多又累積到經驗。」問到志偉跟無綫再合作可是很開心？他表示：「冇話開唔開心，係Enjoy，佢鍾意做慈善節目，尋晚我哋綵排完都一齊去咗我屋企食大閘蟹。」
----------------------------
東網巨星開咗ig喇，大家快啲follow啦！