被朋友嘲三四線歌手　胡琳默然流淚感愕然

歌手胡琳（Bianca）現身電台訪問，去年憑劇集《溏心風暴3》成功入屋，近來轉戰做舞台劇《主席萬歲萬萬歲》的她，講到18歲在美國留學時參加歌唱比賽被發掘入行。回憶初入行時，聽過很多閒言閒語，胡琳憶述：「喺一大班人食飯情況下，有人問我工作係咪好忙，我好自然話唔忙，得到嘅回應係『當然啦！你呢啲三四線歌手通常都唔會好忙。』當時我嘅反應好愕然。」她說不相信朋友會說出這種說話，感覺就像在街上跌倒，覺得很痛時，看到很多人都看着你，看你有甚麼反應似的。當時她可能年紀尚小，不喜歡和人爭執，反應又比較慢，最後只能默默地流淚。

欣賞老公夠細心

講到剛於十月秘婚，胡琳說與老公認識不久就覺得很有親切感，兩人是很自然地開始交往：「唔鍾意嘅人約你，你總會有萬個藉口去推搪，但係一個你鍾意嘅人就好自然會接受，然後就走在一起了。」胡琳直言欣賞老公細心兼懂得照顧自己。她說希望求婚過程低調，留給自己一點私人空間：「覺得每個女仔都係好簡單，只要生活上嘅細節有人能為你處理好就已經好有安全感，知道有人在守護你。」

----------------------------

東網巨星開咗ig喇，大家快啲follow啦！

https://bit.ly/2JjSVcr