欣賞陳曉華有禮貌　黎燕珊：有啲好寸！

藝人黎燕珊在電視城出席《歡樂滿東華》拜神儀式，表示會與過往多屆的港姐、亞姐及華姐行catwalk：「頭先綵排見到咁多師妹，以前感覺返晒嚟，好開心，希望今日可以籌多啲善款，已經叫晒屋企人、仔女，喺英國讀緊書嘅仔都要支持媽媽，捐少少學費出嚟支持下。」

問到見到很多新進師妹感覺如何？她說：「我覺得陳曉華好好，好欣賞佢，又高，而且又有禮貌，今朝見到我佢已經即刻同我講早晨，年青一輩好難得，佢哋係唔識，有啲係怕醜，有啲係寸，但佢係好真誠，同埋我直覺佢好識演戲，所以公司捧佢都戥佢開心。」