影迷會38年籌逾300萬！汪明荃自己投番？

一年一度大型籌款節目《歡樂滿東華》今晚在電視城舉行，司儀之一汪明荃（汪阿姐）的影迷會「明荃之友」如常摺銀紙花籌款，實價13,800元的銀紙花，以128,000元作為義賣價，阿姐當然希望拍賣得愈多錢愈好，她說：「呢班Fans好有心，由81年開始自發性做呢樣嘢，已經連續38年進行呢個義賣，年年出錢出力，籌得超過300萬元！（自己會投番珍藏？）留畀善長啦！啲Fans都好乖，平時有摺啲簡單嘢送畀我！（司儀外仲有工作？）今年會錄影《帝女花》其中一個劇目！（家英哥會一齊演？）冇啦，佢忙籌備即將開幕嘅西九一啲工作！」