影全裸照?甄子丹賣關子:冇理由着埋褲...

2018年12月08日 22:30
東網電視
更多新聞短片
子丹係咪全裸?

「宇宙最強」甄子丹與太太汪詩詩、女兒Jasmine和兒子James出席慈善晚宴活動。啱啱喺馬爾代夫返嚟嘅子丹,話今次之旅叉足電:「同太太同埋一班朋友去馬爾代夫,小朋友要返學所以就冇去。(去幾日咁少?)夠㗎啦,我係工作狂,唔玩得太耐。」問到聖誕節將至,係咪會去旅行補償番一對仔女?他說:「都會,但去邊就要睇太太安排,通常都係佢負責。」

講到佢旅行嘅時候,上載疑似全裸浸水嘅相去社交網站,佢解釋:「唔係,畀啲幻想空間你哋幻想吓。咁我冇理由着條運動褲去浸水,都唔三級。(有冇影正面?)正面要打格喎!(影低啲相提醒自己?)唔使自己睇,畀老婆睇得。但係我呢排好肥,因為拍完戲返嚟,出席好多朋友嘅飯局,肥咗好多。」佢又透露農曆新年過後,忙宣傳自己嘅新片同埋後期製作。