就快開騷！張彥博得3個星期變「肌」佬

歌手張彥博將於本周日在九展舉行個人音樂會，早前因劇集《跳躍生命線》雄姐一角人氣急升，碰巧場地有空檔，主辦方即邀請他開騷，平日有練開歌的他在音樂方面冇有怕，但當務之急是要操肌及加強體能，於是找來《跳》劇大隻拍檔郭子豪為他進行地獄式訓練！

日前阿博努力操肌，見他連續做了多set針對腹肌的動作，果然有成果略見腹肌，受訪時問到是否開騷時會除衫？阿博說：「好開心開到第一個自己嘅演唱會，首先想體能好啲，畀觀眾唔同嘅Image，搣甩細佬嘅形象，可能到時會穿啲透視衫！今次會有好多唔同嘅形象，仲有好多大家未見過嘅，有啲係硬啲…硬朗啲嘅！」

對於只得三星期準備，阿博直言壓力不少：「今次好冒險架！場地唔細，都係神迹嚟！我會努力做好啲！」問為何操練針對操腹？子豪說：「因為得三星期，時間唔多，所以主要練前面嘅嘢，下半身佢就不嬲好勁喇！」他又笑張彥博除了會「現膊」，更已練成「童顏巨乳」！阿博即笑言胸肌夠用，問到操練過程是否很辛苦？他表示近半年開始跟子豪操Body，已習慣其變態方法。

場地：Goji Studios