弄瓦之喜!邱德根孫女邱詠筠積極收身

2018年12月08日 22:47
東網電視
更多新聞短片
恭喜晒!

邱德根孫女邱詠筠出席活動,講到今年9月誕下女兒,佢透露囡囡叫Katherine,問到依家係咪要努力收身?佢話:「要努力減好多磅,體重仲有進步空間。(幾時搞百日宴?)尋日搞咗啦,好低調咁同屋企人食飯。(出嚟做嘢咪好掛住個女?)都OK,佢好易湊,又唔係成日喊,但又唔係成日笑。(呢個係爸爸第幾孫?)我個女係第7個,我妹妹嗰個係第8,佢遲我一個月生,但瘦得快過我。(問佢收身秘訣?)咁佢好勤力做運動。」

講到早前已同圈外男友訂婚嘅佢,幾時結婚?佢話:「未定。(明年?)未揀定。(等BB大啲先?)都可以考慮。」