對他人噓寒問暖!蕭正楠爆翠如批准有小三

2018年12月08日 23:19
東網電視
更多新聞短片
阿蕭爆翠如批准佢有「小三」!

藝人蕭正楠(阿蕭)、鄭敬基及謝文欣等到沙田出席燈飾亮燈儀式,陳倩揚、黎國輝擔任活動主持,阿蕭上台獻唱《Together》等歌曲之餘,更走落觀眾席和粉絲握手兼合照。他透露聖誕本想約女友黃翠如去旅行,但對方要拍劇到明年4月,所以暫時先專心工作:「不過佢都去澳洲逍遙快活咗十日,佢話佢批准我有『小三』曹永廉,我都要批准佢有『小三』,就係同佢去澳洲嘅馬來西亞演員吳天瑜。其實佢哋一年見好多次,就算我要開工,翠如都會自己飛去馬來西亞陪佢。」他自認公平,很照顧自己的「小三」:「我有噓寒問暖,提佢半夜痾夜尿,花好多時間喺佢身上!」

早前為宣傳旅遊節目《兄弟姊妹去旅行》拍MV,更被網友催出新歌,阿蕭笑言:「多謝大家!其實我哋可以開演唱會,成個旅程我哋不停唱歌,我哋四個差唔多年代,好熟大家唱嘅歌。」但他斬釘截鐵說不考慮出新歌,笑言不想加重樂壇負擔,想把機會留給新人:「我唱舊歌照顧歌迷就得,只要鍾意唱歌,係咪歌手都可以唱。」