兩女之父!周志康呻住傾湊女心得

2018年12月08日 23:51
東網電視
更多新聞短片
周志康同陳國峰交流湊小朋友嘅心得!

藝人周志康、陳國峰到沙田出席燈飾亮燈儀式,陳國峰獻唱時音樂突然故障,他即執生清唱,贏得全場掌聲。陳國峰笑言平時練歌常找兩歲的仔仔做觀眾:「佢一聽我唱歌就手舞足蹈,聽媽媽唱就爭啲。(太太會唔會嬲你?)唔會,我個仔係叫爸爸先,佢已經冇得再嬲!」

身為兩女之父的周志康則表示有跟朋友交流湊女心得,但笑言呻比較多:「對住小朋友奈佢唔何,因為小朋友一定會曳,就算你打或者鬧,佢都會繼續喊,惟有安撫佢嘅情緒,但真係好難!同朋友呻就覺得自己冇咁孤單。」他認為二女出世代表人生的新階段,要更加努力工作和爭取時間休息,他和國峰都認為小朋友就是工作的推動力,慶幸公司給予不少機會。周志康又笑言不論對媽媽、太太或女兒同樣需要耐性:「同佢哋講道理冇用,氹啦!唔氹就係自己攞苦嚟辛!」