腹肌驚人！陳欣妍性感運動甫惹網民激讚

影壇新人陳欣妍（Shirley）早前特意去北京進修演技，除咗上堂學戲之外，佢仲好努力操弗自己，幾乎每日都喺健身室度過。見佢腹肌練出鮮明線條，難怪網民讚佢毅力仲勁過男仔呀！Shirley雖然去咗北京，但都冇遺忘香港班粉絲，不時喺社交網上載靚相派福利。擁有好身材嘅Shirley，呢日晒出一張做完gym嘅濕身相，雖然着上密實長袖，但係緊身剪裁令其豐滿上圍更突出，運動後嘅佢塊面紅卜卜，加埋誘人甫士，令唔少網民留言大讚好Sexy！