何韻詩倒貼幾十萬搞音樂節同市集

2018年12月09日 06:30
東網電視
更多新聞短片
何韻詩自資搞音樂節同市集。

歌手何韻詩將於聖誕期間在科學園舉行演唱會及生活節,她謂到時或會忍不住現身市集:「雖然做騷會幾攰,但我好想睇晏晝嘅音樂節,所有樂隊同音樂人都係我好鍾意同覺得好有質素嘅,係流行曲以外嘅多元選擇。」提到上次以集資形式開4場紅館騷,阿詩直言有壓力,幸好這次相對小型,所以問題不大:「今次真係靠大家買飛,冇特別搵人贊助。如果啲飛賣晒都應付到,音樂節同市集就要倒貼,但最緊要成件事開心同值得做。(自資幾多?)幾百萬。(倒貼幾多?)還好嘅,應付到,我諗幾十萬。」

她希望觀眾多點了解香港年輕人的創作和音樂,認為沒必要區分主流或小眾:「其實我都唔識分我係咩,兩邊都唔係好入到,最終就發現唔需要劃分呢啲界線。但點樣令到咁有才華嘅音樂人畀更多人睇到?有啲以前嘅平台冇咗,但可以自己創造新嘅平台。」

----------------------------
東網巨星開咗ig喇,大家快啲follow啦!
https://bit.ly/2JjSVcr