姜皓文撻生魚炒埋老婆架車：有冇做錯都要賠
20181209
東網電視
更多新聞短片
姜皓文（左）話老婆殷寧主外，自己主內！
藝人姜皓文（黑仔）、林韋辰、溫碧霞及錢小豪等到科學園出席慈善單車活動，黑仔及林韋辰全副單車Look現身，二人表示經常踩單車，更試過踩上阿里山，並多次參加與單車有關的慈善活動。黑仔指太太殷寧會踩平衡車陪自己踩單車，又自爆試玩平衡車的瘀事：「撻生魚咁撻！好難！佢好快，仲可以上斜。我就撻到趴地，仲炒埋佢架車！（要賠？）梗係啦，你有冇做錯都要賠，冇辦法，佢主外，我主內！」
自己下廚趕絕肚腩
問到踩了單車多久？黑仔及林韋辰自言在亞視年代已踩單車返工，又笑言：「不過之後冇涼沖同年紀大就冇再咁做，後來仲冇糧出添！其實我哋係為興趣，同埋當年又真係生活有問題。」工作方面，黑仔表示正在無錫客串文藝片，應該明年1月1日才回港，除了開拍新片，又要陪老婆到馬拉：「拍依家套戲要Keep住做運動，因為啲西裝好Slim，我喺無錫都係自己買菜同魚返酒店烚，費事肚腩走出嚟！」
----------------------------
東網巨星開咗ig喇，大家快啲follow啦！