《救妻》解放35E導彈　白雲認愛性感！

擁有35E導彈胸的藝人白雲，今晚於無綫劇集《救妻同學會》中再次「咪咪」大解放！一場講述她於沙灘游水期間游甩泳褲，呼叫遠處的胡鴻鈞幫忙搵褲，但最終仍未能找回，及後上岸即向劇中男友杜大偉撒嬌，穿上三點式上陣的她大晒驕人上圍，撒嬌時雙峰更不停晃動，吸睛非常！

事後白雲接受訪問，她直認喜歡性感：「我都幾鍾意性感，只係有啲亞洲人道德觀念覺得性感係不守婦道，咁想法有問題，性感唔係錯，大家都鍾意睇，但又要鬧！之後《機場特警》都有一場要着比堅尼，我覺得ok就接咗！」