胡鴻鈞處男騷晒人氣 白馬王子Look冧粉絲
20181210
東網電視
更多新聞短片
咁多人撐Hubert，就知佢人緣有幾好。
歌手胡鴻鈞（Hubert）昨晚假會展舉行處男騷，除了老闆何哲圖之外，人緣極好的他獲一班好友力撐，當中包括許廷鏗、林欣彤、吳業坤、吳若希與老公、馬國明與女友黃心穎、Super Girls成員Yanny、陳慧敏、戴祖儀、謝文欣、譚嘉儀、何遠東、緋聞情侶蔡思貝及余德丞更穿上灰色情侶裝，而《救妻同學會》眾演員亦有到場支持，認真高朋滿座！
以「白馬王子」打扮的Hubert「突襲」成班Fans，從觀眾席中央的小舞台驚喜現身，甫出場經已令全場失控，呼歡聲四起，有不少Fans湧到小舞台前，非常墟冚！Hubert先後帶來《幸福》、《高攀》，然後開始慢慢行回台上，期間與Fans近距離接觸，又握手、又收花、又大合唱，現場氣氛高漲！
回到主舞台時，Hubert就同Fans打招呼，並興奮大叫：「我終於開騷啦！」台下Fans即拍手尖叫，他繼而謂：「多謝你哋今晚嚟成就呢個音樂會，希望大家睇得開心、愉快！」再講到音樂會Poster背景是其中學樣貌，全因為中學時期影響自己好多，又感性指：「差唔多30歲先開第一個售票音樂會，希望唔會太遲！」說畢便帶來《燕尾蝶》、《男生圍》、《偉業街》。
----------------------------
東網巨星開咗ig喇，大家快啲follow啦！