做老婆夢成真！譚凱琪難忘張衞健幫手抹鼻涕
20181211
東網電視
更多新聞短片
譚凱琪憧憬過演張衞健老婆，今次喺劇集《大帥哥》終於成真！
無綫女藝人譚凱琪（Zoie）在劇集《大帥哥》飾演張衞健其中一位太太，戲份甚多。跟大部分香港人一樣，Zoie睇健仔的劇集大，對他演繹的《西遊記》及《小寶與康熙》特別有親切感：「見佢做韋小寶有七個老婆，憧憬過如果做到其中一個就好喇！估唔到依家終於實現！」
大讚轉數快記性好
訪問中Zoie以「大哥」稱呼健仔，對他相當尊敬，她表示對方轉數快記性好，就算加戲也會跟全部演員一同練習，絕不會只顧自己：「多謝佢冇嫌棄我慢，拍完套劇我反應都快咗啲㗎喇！記得有場好長嘅戲，佢要見唔同嘅人，佢覺得一Shot落效果更好，但中間一個人錯都要從頭拍過，難度好高！大家反覆排咗好多次，最終順利完成，全場都拍晒手掌。」
「我當時愕一愕然」
講到最難忘的一場對手戲，Zoie表示有場喊戲，自己投入得眼淚鼻水盡出，健仔竟一手幫她抹鼻涕：「我當時愕一愕然，佢加呢個動作在於角色都係合理，佢又好偉大唔想我咁核突，所以呢場戲特別深刻！我個角色好多情緒戲伏位，同大哥嘅感情戲，同楊秀惠嘅爭寵鬧交戲，挑戰都大。」
髮型：Haysses＠Hair
場地：南瀛水產／Barry＠relaxdearhk
----------------------------
東網巨星開咗ig喇，大家快啲follow啦！