小朋友有乜嘢演技　日本又爆出最年輕影帝

仲記唔記得2004年，梁朝偉主演的《2046》在康城電影節失落影帝，輸給年僅14歲、《誰知赤子心》的14歲日本童星柳樂優彌，偉仔對未能封帝感到十分失望，仲話：「小朋友有乜嘢演技呀？」但又估唔到，相隔14年，日本又出咗另一位更加年輕的影帝，就係10歲的寺田心。

年僅10歲的寺田心，本月8日憑日本片《祖母，無問題》奪得《米蘭電影節》外語片最佳男主角，打破柳樂優彌的紀錄成為史上最年輕影帝。寺田心演戲經驗豐富，5歲已開始演戲，近作有山崎賢人合演的日劇《Good Doctor》。呢套電影由曾在香港當演員的導演Jacky Woo執導，他同時獲最佳導演殊榮。《祖母，無問題》改編自同名繪本，講述患認知症的祖母與男孫的故事，電影將於本月12日在東京舉行記者會，明年春天在日本上映。