琦琦渴望收任達華聖誕禮物：係佢戒煙

藝人任達華和太太琦琦是圈中難得的模範夫婦，兩人結婚廿一年，一向不重物質的琦琦，突然開口向老公要求送禮，老公成功戒煙，便是她最想要的聖誕禮物，認真Sweet到爆！兩人早前更拍住拖給囡囡挑選聖誕禮物。

今個聖誕琦琦已計劃好與囡囡任晴佳（Ella）先滑雪，再享受陽光與海灘，享受一個冷熱的聖誕和新年假期，今年最特別是Ella出國讀書後首年回港度聖誕，提到囡囡外地留學，琦琦說：「一定好掛，不過外國讀書小朋友可以睇多啲嘢，開闊眼界，Ella又讀得書，成績好好，學到拉丁文同西班牙語，佢咁認真讀書，都想培養佢。（更獨立？）不嬲佢都好獨立，佢自我要求好高、好自律，外國可以安心讀書幾好，做番個平凡小朋友，又冇壓力，更開心。」

出動女兒每天提點

囡囡不在港，琦琦與華哥可以有更多二人世界，早前華哥秘密現身其首飾品牌QQM一周年派對，並順道為囡囡揀選聖誕禮物，其實華哥一早買定Travis Scott洛杉磯演唱會的門票送女兒做禮物，琦琦說隨時候命飛洛杉磯圓女兒心願，反而Ella不想父母周車勞動，琦琦說：「老公問我今年想要乜嘢聖誕禮物，我話你戒煙，就係我最好嘅聖誕禮物。」

現在琦琦每天都會問華哥一個問題：「你今日開工食咗幾支煙？」並準備出動女兒每天提爸爸：「諗住叫Ella每次同爸爸傾電話，第一句就問爸爸有冇食煙，如果冇，先同爸爸傾偈，如果有就收線，呢招應該好得。（華哥有冇提出要剔走你壞習慣做禮物？）冇，我老公可能對我冇要求，佢唔夠膽啩！」

----------------------------

東網巨星開咗ig喇，大家快啲follow啦！

https://bit.ly/2JjSVcr