楊明忙爆唔玩閃婚　莊思明好等得

藝人楊明、朱晨麗、伍允龍、陳庭欣、江嘉敏及劉穎鏇等到馬鞍山宣傳劇集《兄弟》，並為《萬千星輝頒獎典禮2018》的提名拉票，主角王浩信沒有到場，大會安排紙版人浩信撐場。

而菊梓喬（Hana）獻唱片尾曲時，伍允龍、楊明及陳志健搞笑重演MV女角做運動的畫面，笑爆全場！其後伍允龍更獻Sing唱劇集主題曲，演員在旁舉牌為他打氣。

對於浩信缺席，楊明笑言會打他的紙牌小人：「身體好多部位都打匀！」楊明又透露劇集《機場特警》有望聖誕節前拍完，聖誕節目交由女友莊思明安排，問是否尚未買禮物？他笑說：「買咗！呢樣嘢一定要嘅。（鑽戒？）未呀！遲啲冇咁忙先，我又要忙燉湯舖嘅生意，人生大事都要有事業支持，女友好等得，其實佢都忙架！（聖誕計劃旅行？）得幾日唔知去邊。（即興去閃埋婚？）都話未咯！而且如果即興的話，依家都答唔到。」

講到《機》劇拍檔黃子恆陷桃色風波，楊明表示跟他有很多對手戲：「有關心吓，知佢心情唔太好，朋友拍吓膊頭鼓勵吓，唔使講嘢。」