面形撞到嘭嘭聲!阿Sa變身法官同祖藍撞樣

2018年12月13日 10:13
東網電視
更多新聞短片
似唔似就見仁見智喇!

藝人蔡卓妍(阿Sa)與周柏豪、盧巧音、鄭希怡、J.Arie (雷深如)等趕拍英皇電影《感動她77次》,今日阿Sa就喺社交網上載拍攝時影的花絮相,見阿Sa戴上法官用的假髮,留言話:「其實呢頂嘢⋯我真係點戴都唔好睇」,仲自嘲自己圓面、個帽形同個面形撞到嘭嘭聲,更笑言一早已接受不會打Botox。不過網友睇到嘅唔係呢啲,係話阿Sa戴起法官假髮個樣激似王祖藍,驟眼睇又真係有幾分相似嘅,其實祖藍個樣好百搭,繼黃光亮、《全美一叮》Angelica「父女撞樣」、薛家燕後,又撞樣阿Sa,不過講到最似有一個人無人能及,嗰個就係佢阿媽啦!

另外,阿Sa都有上載穿上大學畢業袍的照片,笑言自己唔知第幾次畢業,見同場的周柏豪、盧巧音、鄭希怡、J.Arie 笑得咁開懷,一睇就知佢哋拍得幾開心啦!