異地大解放！林師傑歐陽巧瑩蜜月全裸晒股
20181214
東網電視
更多新聞短片
睇嚟佢哋好Enjoy！
藝人林師傑同歐陽巧瑩（Tammy）上月23日結婚，隔咗大半個月，佢哋終於抽到時間去馬爾代夫度蜜月兼慶祝「拍拖」4周年！
尋晚深夜佢兩公婆齊齊喺自己嘅社交網晒股，相中見佢哋喺馬爾代夫水上屋前嘅泳池裸泳，對住一望無際嘅大海，啲水仲清到見底，成個環境都好正！歐陽巧瑩留言話多謝老公完成左佢十八歲嘅心願：「成個2018叉足電，返香港搏殺半個月，一月再出發蜜月（容許我地放肆一下?呢度實在太正喇 ）。」
林師傑就留言打咗歌手鍾舒祺《裸泳》嘅歌詞，仲講愛的宣言，話同老婆以後都要坦誠相對，路至會行得遠。
唔少網民都好羨慕佢哋，有人留意到佢哋個屁股仔同背脊已經曬到兩截色，睇嚟佢哋呢幾日好盡情咁享受陽光，大家見佢哋咁幸福都好期待佢哋嘅愛情結晶品，祝佢哋今次兩個去3個返呀！
----------------------------
東網巨星開咗ig喇，大家快啲follow啦！