形象插水!黃子恆認衰:我要做好人

2018年12月14日 22:00
東網電視
更多新聞短片
黃子恆話佢會修心養性。

藝人黃子恆最近被指食國產粉絲,而「巨咪歌手」迪子又爆他曾「約炮」玩「人魔大戰」,令他形象急插水。今晚他在將軍澳電視城出席《TVB職藝員聯歡晚宴2018》心情不俗,還有不少員工邀請與他合照。

黃子恆表示仍忙於為新劇《機場特警》趕工,聖誕前煞科。問到之後是否放假休息?他說:「未收到通知,應該都有一個短假期。」講到到迪子公開了他的「約炮」對話紀錄,黃子恆說:「我有睇報道,但冇嘢想講,我哋亦都好耐冇聯絡。(擔心事件影響形象?)做好自己啦,作為藝人或者人,首要都係做好自己,呢個係最緊要。(經過事件修心養性?)當然會啦,藝人係一個榜樣,人哋會好留意一舉一動,無論工作上或者其他,唔單止要做一個好嘅藝人、亦要做一個好嘅人。(會唔會對女人驚咗?)又冇乜特別話驚唔驚,隨緣啦,緣分到都冇得避,我都好了解自己喜歡工作多啲。(畀公司照肺?)公司有了解,乜都同公司講,唔會欺騙公司,公司都叫我以後要小心啲。」


----------------------------
東網巨星開咗ig喇,大家快啲follow啦!
 https://bit.ly/2JjSVcr