卓林帶老婆愛回家　吳綺莉發文真放下？

藝人吳綺莉（Elaine）19歲女兒卓林同31歲太太Andi返港，點知佢哋因冇晒錢，搞到返嚟香港住平價賓館都要拖欠二千幾蚊租金，賓館老闆惟有報警求助。

冇錢交租嘅卓林同Andi只好漏夜拖行李返去Elaine大坑住所，今日Elaine做埋司機「一家三口」出動去銀行，雖然全程佢哋三個人冇講嘢，但Elaine今晚終於喺社交網發文，上載貓相，並意有所指留言：「昨天的事放下，今天的事做好，明天的事再算，感謝天父感恩每一天。❤」唔少網友都留言為佢加油，而Elaine亦都有好心咁，逐個回覆，似乎心情冇乜嘢咁。