东网电视
更多新闻短片
原来杨幂都做过追星族！
1/4
内地女星杨幂由细靓到大，佢自4岁起就拍剧，一直以嚟累积咗唔少人气，日前微博粉丝人数更破亿，认真威水！呢日，佢喺微博同粉丝分享咗一张童年照，仲留言：“给大家介绍一下，她叫‘小厉害’。”究竟有几厉害法呢？相中只有7岁嘅佢，着上黄色裙衬白色裤袜，面对镜头时却一啲都唔怯，仲识得扯住裙摆摆甫士，细细个就已经劲有明星气场！而讲到最吸睛嘅，除咗佢生得一副标致面孔之外，仲有一双超幼嘅长腿，唔少网友睇到后都大赞佢系美人胚子，仲指佢细细个就已经系“腿精”添！
另外，杨幂爸爸亦不时喺微博同网友互动，佢早前公开一张杨幂嘅短发少女相，当时杨幂身穿白色外套搭衬黑长裤，两手插腰，虽然个样有啲Cool，但仍电力十足！不过，好多眼利嘅网友却将焦点放喺佢身后嘅韩国男团H.O.T海报上，仲留言：“幂姐真的是追星女孩，难怪现在还是挺八卦的”、“我也看到了，原来幂幂追过H.O.T？”、“哈哈，H.O.T竟然！”
----------------------------
东网巨星开咗ig喇，大家快啲follow啦！
少女时期嘅杨幂好有明星气场。
就系佢哋可以赢得女神杨幂嘅芳心！韩国男团H.O.T！
7岁嘅杨幂拥有一双幼长嘅腿。
