國產粉絲稱做流產　黃子恆：冇留意

藝人黃子恆之前被爆偷食國產粉絲Michelle，昨日Michelle在東網自爆會做流產手術，男主角黃子恆今晚現身《萬千星輝頒獎典禮2018》紅地氈，最近他是非纏，整個人瘦削了不少！

問到有否留意有關Michelle的報道：他稱未有留意：「我今朝六點半拍劇集《機場特警》開到三、四點先過嚟。（佢覺得無綫冇嚴懲你。）我唔再回應。（依家收心養性咗？）我依家專心做嘢，幫套劇埋尾先，仲有一星期，好重要，我enjoy埋呢個星期，係辛苦。（佢話你穿了褲子不認人？）我唔再回應。（你會唔會聯絡Michelle﹖）冇。（唔慰問佢？）我唔再講佢嘅嘢。（公司今日有冇搵你？）冇，我今日來參加呢個party，會恭喜每個得獎者。」

至於高層樂易玲有否跟他談及將來的工作安排，黃子恆謂公司自有安排，若未有劇集開拍便會先休息，但未確定何時再開劇。問今次事件有否影響其將來工作？他坦言：「暫時開呢套，之後嘅工作未知。」